Kia tau te hingaro māharahara
He wā tōna ka āmaimai, ka āwangawanga, ka māharahara rānei tātou katoa. Maringanui, he ara ora hei whai mā tātou hei whakamāmā i ēnei tūmomo kare ā-roto.
Me pēhea te whakatau i tōku hinengaro?
Hei tīmatanga ake, me okioki noa kia rongo anō koe i tō tinana me tō hinengaro. Me aro ki te wātū tonu, rapua ngā ara pai hei whakanui i ō kare ā-roto, ā, mā ngā tūmahi whakahā ka tau anō hoki ngā whakaaro.
He rerekē te pānga atu o te māharahara ki ngā tāngata katoa, nā reira rapua ngā ara me ngā tūmahi e whakamaurutia ai ō whakaaro.
Ehara i te mea me pokea koe e te māharahara nui, kātahi ka whaihua ngā mahi a Te Ara Ora – ka hīkina ake te hauora o te katoa o te whānau e ēnei mōhioranga.
Ngā Tūmahi hei Whakatau i Tō Hinengaro
Anei kia toru ngā tūmahi hei whakatau i tō hinengaro. Ka tutuki ēnei mahi i ngā meneti ruarua noa iho.
Te Mōhio ki ngā Tohu
I tēnei tūmahi, ka arahina koe ki te tautohu i ngā rongo o te tinana i te wā e pā kinohia ana tō ngākau. Mā ēnei tohu koe hei ārahi ki tētahi ara rerekē, arā, ki te mahi i tētahi o ngā tūmahi, ki te te tiaki rānei i a koe anō.
Te Āta Whakahā
He tikanga whakaataata tēnei, e āta whakahā ai te tangata, ki roto, ki waho anō kia tau te mauri, kia whakatā hoki te wairua. E arahina ana tēnei tūmahi e tētahi ata tāoreore e ngongo ana, e tuku ana hoki i te hau.
Te Mātai Aronui
I tēnei tūmahi mātai aronui, ka arahina koe e tētahi oro māmā ki te āta rapu atu i ngā āhuatanga rerekē o ētahi whakaahua, ā, kia pērā anō tō titiro ki tō ao.
He aha rā hoki te māharahara nui?
Ko te māharahara nui he urupare māori noa nō te tinana ki ngā āhuatanga e ngaukino ana, e whakawehi ana rānei i te hinengaro o te tangata.
Ka pā mai aua āhuatanga, ka whakaarahia ake ngā pūmanawa karo mate hei whakaohooho i a koe, hei whakahāngai i ngā pūmanawa, kia rite tō tinana ki te whawhai, ki te rere atu rānei.
He urupare whai tikanga, he mea māori noa tēnei.
Nā te aha kei te rongo au i te māharahara nui?
Ka ara ake ngā pūmanawa o te whakarere atu me te whawhai i ngā whakawetiweti tūturu (hei tauira, te korenga o te moni), i ngā whakawetiweti ā-hinengaro hoki (arā, kei te māharahara au kāore a Mea e pai ki ahau), i ngā pānga kino rānei o mua (arā, kei te māharahara au ka pā kinohia anō au e Mea).
He aha rā ngā tohumate o te māharahara nui?
Ahakoa e rongo ana koe i te pānga o te māharahara nui ki ō whakaaro, ka hua mai hoki ngā tohumate ki te tinana. He rerekē ngā tohumate o tēnā me tēnā, heoi, anei ētahi e kaha kitea ana:
Te tautoko i te tangata kua pāngia e te māharahara nui
Me pēhea te tautoko i ngā hoa me ngā whanaunga e pokea ana e te māharahara?
He āwhina ā-tinana, ā-wairua hoki te noho tahi ki a rātou, te whakarongo ki ō rātou whakaaro, te rapu rānei i ngā tūmahi papai ki a kōrua tahi.
Kia mahara mai, ehara koe i tō rātou mātanga ā-hinengaro, he āwhina nui te noho noa ki tō rātou taha.
Ākona ngā mahi a te kaiwhakarongo papai mā te tūmahi o Te Whakarongo Pīkari.
Me pēhea te āwhina i te tangata e pokea ana e te mate māharahara
Ko te mate māharahara te putanga ohorere atu o te māharahara nui rawa. Ka puta ohorere tēnei tū mate, ā, ahakoa te poto o te wā, he mea whakawehi, ā, ka tāhurihuri kau pea ngā whakaaro.
Nā te mate māharahara he uaua te whakahā, ka rērere noa te mauri, ānō nei kei te mate koe.
Anei ētahi mahi hei āwhina atu:
- Ākina rātou ki te āta whakahā. Me whakahā tahi pea kōrua, me tahuri rānei ki te tūmahi Te Āta Whakahā.
- Whakamātauria ētahi tūmahi hei whakatau i te mauri. Uia rātou ki te whakahua atu kia 5 ngā mea e kitea ana, kia 4 ngā mea e pāngia ana, kia 3 ngā mea e rangona ā-taringa ana, kia 2 ngā mea e rangona ā-ihu ana, kia 1 te mea e rangona ana e te waha, whāia rānei te tūmahi mō Te Mātai Aronui hei āwhina anō.
- Ka tau anō rātou, tērā pea ka hiahia rātou ki te kōrero ki a koe mō ō rātou whakaaro me ngā āhuatanga o te mate rā.
Ka roa pea tōna whakamāuitanga ake i te hekenga o te mate māharahara, he āwhina anō te whakarite i tētahi wāhi atawhai kia āta whakatā te tangata i mua i tōna hokinga atu ki ngā mahi o ia rangi.
Ō Rauemi hei Kaupare atu i te māharahara nui
Anei ētahi rauemi hei hāpai i a koe ki te whakatau i te māharahara nui.
Depression.org.nz
Dealing with the tough times can be hard, but you’re not alone
Depression.org.nz is an online self-help tool to support you with a range of information, resources and guidance in navigating through mental distress, depression and anxiety. These small steps provided give you ideas on how to look after yourself and others you care about.
Whaiora Online
Strength and support for whanau and community
Whaiora is an online service that is 100% about supporting people wanting improve their health and well-being (whaiora). The support available is led by supporters that really care, and where you can be part of a wide online community of people looking to better themselves or support others both physically and mentally.
Clearhead
Your guide to mental wellbeing
Clearhead is available when and where you need it. We walk alongside you to guide you through the hurdles of life. We help Kiwi’s develop lifelong resilience skills so you will never be overwhelmed by your negative thoughts and emotions again.
The Lowdown
Straight up answers for when life sucks
The Lowdown is a website to help young New Zealanders recognise and understand depression or anxiety. By encouraging early recognition and help for depression or anxiety The Lowdown intends to reduce the impact depression or anxiety has on the lives of young New Zealanders, now and throughout their adult lives. However you might be feeling, The Lowdown is full of ideas and people who can help you get unstuck and get to a better place.
E Tū Whānau
Standing up together!
E Tū Whānau is a movement for positive change developed by Māori for Māori. It’s about taking responsibility and action in your community and supporting whānau to thrive.
